Ջեյհուն Բայրամովը Տոյվո Կլաարի հետ քննարկել է ՀՀ-ի հետ հարաբերությունների կարգավորման գործընթացը

19:52 9 Հունիս 2023

Հարավային Կովկասում Եվրամիության հատուկ ներկայացուցիչ Տոյվո Կլաարը Բաքվում է։ Այսօր՝ հունիսի 9-ին հանդիպում է տեղի ունեցել Կլաարի և Ադրբեջանի արտգործնախարար Ջեյհուն Բայրամովի միջև: Հայտնում են ադրբեջանական լրատվամիջոցները։

Նշվում է, որ կողմերը մտքեր են փոխանակել Հայաստան-Ադրբեջան հարաբերությունների կարգավորման գործընթացի, միջազգային գործընկերների, այդ թվում՝ Եվրամիության միջնորդությամբ բանակցությունների ներկա վիճակի վերաբերյալ, ինչպես նաև քննարկել են տարածաշրջանային անվտանգության հարցեր։

Բայրամովը ևս մեկ անգամ ուշադրություն է հրավիրել ադրբեջանական կողմի դիրքորոշմանը՝ ՀՀ-ի հետ խաղաղության պայմանագրի շուրջ ստեղծված իրավիճակի, պարտավորություններին համապատասխան տրանսպորտային ապաշրջափակման քննարկումների, ինչպես նաև սահմանազատման հարցի շուրջ։

Կլաարն իր հերթին նշել է, որ ԵՄ-ն աջակցում է Ադրբեջանի և Հայաստանի միջև հարաբերությունների կարգավորման գործընթացին, և, որ ջանք չի խնայի ապահովելու այդ ուղղությամբ երկու երկրի ղեկավարների ապագա շփումները:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Ջեյհուն Բայրամովը Տոյվո Կլաարի հետ քննարկել է ՀՀ-ի հետ հարաբերությունների կարգավորման գործընթացը

Լրահոս

Փոխկապակցված նորություններ

Տնտեսություն

Հասարակություն