16:02:16 -7°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Փորձագետ. Կենսամակարդակի անկմամբ պայմանավորված՝ բնակչությունը կրճատում է բնակարանի վարձակալման ծախսերը

    16:23 9 Դեկտեմբեր 2021

    Կենսամակարդակի անկմամբ պայմանավորված՝ մարդիկ փորձում են ապրել մեկ տեղում, որպեսզի կրճատեն բնակարանի վարձակալման ծախսերը։ Այս մասին լրագրողների հետ հանդիպմանը դեկտեմբերի 9-ին ասաց անշարժ գույքի բորսայի տնօրեն Արտյոմ Պրիբիլսկին։

    Նրա խոսքով՝ նվազել է վարձով տրվող բնակարանների եւ մասնավոր տների թիվը այն դեպքում, երբ կոմերցիոն անշարժ գույքի ոլորտում նկատվում է աճ, ընդ որում՝ միտումները նույնն են թե՛ Երեւանում, թե՛ մարզերում։

    Նա տեղեկացրեց, որ 2020թ. առաջին վեց ամսում Երեւանում վարձակալության է տրվել 797 բնակարան, իսկ 2021թ. նույն ժամանակամիջոցում այդ ցուցանիշը իջել է 447-ի կամ 44 տոկոսով։ «Վարձով տրվող մասնավոր տների քանակը նշված ժամանակամիջոցում նվազել է 30 տոկոսով, իսկ կոմերցիոն անշարժ գույքի ոլորտում այդ ցուցանիշը, ընդհակառակը, ավելացել է 13 տոկոսով։ Մարզերում այդ ընթացքում վարձու տրվող բնակարանների թիվը նվազել է 27 տոկոսով, իսկ մասնավոր տներինը՝ 24։ Կոմերցիոն անշարժ գույքի ոլորտում այդ ցուցանիշն ավելացել է 6 տոկոսով»,- ավելացրեց Պրիբիլսկին։

    Փորձագետը նշեց, որ անշարժ գույքի 40 տոկոսը, որը Հայաստանում տրվում է վարձով, կոմերցիոն անշարժ գույք է, բնակարանների բաժինը կազմում է 15 տոկոս, մասնավոր տներինը՝ 7։ 

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Հասարակություն

    ՏԵՍՆԵԼ ԱՎԵԼԻՆ