05:43:43 18°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ոստիկանները ստացել են հանձնարարություն վախեցնելու՝ մեքենաները տուգանային հրապարակ տանելով. Թադեւոս Ավետիսյան

    12:38 16 Մայիս 2022

     


     

    Մենք շարունակում ենք մեր պայքարը, որովհետեւ ըստ էության, այս պայքարի գործողությունները բազմաբովանդակ են՝ ավտոերթեր, բողոքի գործողություններ. Հիմնական նպատակն է հանրությանը տեղեկացնել մեր գործողությունների մասին, նաեւ իշխանություններին ցույց տալ, որ երկրում ձեւավորված է երկիշխանություն եւ իրենք չեն իրադրության տերը եւ օր առաջ պետք է հրաժարական տան ու իշխանությունը հանձնեն ժողովրդին: Այս մասին, այսօր՝ մայիսի 16-ին, ավտաերթերից մեկի ժամանակ լրագրողների հետ զրույցում նշեց ԱԺ «Հայաստան» խմբակցության պատգամավոր Թադեւոս Ավետիսյանը:

    Նա նշեց, որ ոստիկանությունն այսօր ապօրինի գործողություն է իրականացրել, տուգանային հրապարակ է տարել մեքենաներից մեկը՝ պատճռաբանելով, թե դանդաղ է վարում, մինչդեռ օրենքով չկա սահմանված արագությունից, որից դանդաղ չի կարելի վարել: «Ես վստահ եմ, որ դա ընդամենը պատրանք էր ցույց տալու, որ տեսեք-տեսեք, եւ վախեցնելու փորձ էր, բայց պայքարին  միացած մարդիկ նման գործողություններից ոչ վախենում են, ոչ ընկճվում են: Մեր ընկերներով որոշներն արդեն ձերբկալված են շինծու գործերով: Սա վկայությունն է իշխանությունների ցայտնոտային վիճակի: Մենք ունենալու ենք հաղթանակ: Ստացել են հանձնարարություն վախեցնելու, ավտոմեքենաները տուգանային հրապարակ տանելով, բայց դա չի ստացվելու, մեր պայքարը վճռական է»,-ասաց նա՝ հավելելով, որ իրենց պայքարի հաղթանակից հետո բոլոր ոչ իրավաչափ գործողություններին տրվելու են պատասխաններ:

    Այսօր իշխանությունները կատվի խպես մարագն են մտել, վտանգ են տեսնում ոտքի կանգնած ժողովրդից եւ որոշակի իրենց հայրենադավ ծրագրերը որոակիորեն հետաձգել են: Բայց մենք մինչեւ վերջ գնալու ենք, իրենք չեն կարողանալու իրենց այդ ծրագրերը հասցնելու ավարտին: Իրենց ծրագրերի ավարտը Հայաստանի ու Արցախի ավարտն է, որը թույլ չենք տալու»,-ասաց Թադեւոս Ավետիսյանը:

    Նշենք, որ այսօր՝ մայիսի 16-ին, «Դիմադրության» շարժումը 5 ուղղություններով ավտոերթեր է անցկացնում: Հատկանշական է, որ ոստիկանությունը խոչընդոտում է  «Դիմադրության» շարժման ավտոերթերին։ Մասնավորապես՝ Աշտարակի խճուղուց մեկնարկած ավտոերթի ճանապարհը ոստիկանության աշխատակիցներ փակել էին։

    «Դուք դրդում եք, որ մենք հանդիպակացը փակենք, դուք հրահանգ եք ստացել, որ երթի դեմն առնեք, բայց մեր դեմը փակ ճամփաներ չեն լինելու, մայոր ջան: Հեսա կբացվի, կտեսնեք: Դուք ոչ պրոֆեսիոնալ եք աշխատում»,– դիմելով ոստիկաններին՝ ասել էր ակցիայի մասնակիցներից մեկը:

    Որոշ ժամանակ անց ճանապարհը բացվեց եւ ավտոերթը շարունակվեց։

    Քիչ անց էլ «Դիմադրության» շարժման ավտոերթերից մեկի ընթացքում միջադեպ գրանցվեց: Բագրատունյաց պողոտայում ոստիկանները կանգնեցրել էին ավտոերթի մասնակիցներից մեկի  ավտոմեքենան, որից հետո ավտոերթի մյուս ավտոմեքենաների վարորդները եւս դուրս էին եկել մեքենաներից:

    Ոստիկանները փորձում էին բերման ենթարկել այդ վարորդին, սակայն վերջինս չէր համաձայնում գնալ ոստիկանության բաժին: Մի պահ իրավիճակը լարվեց, սակայն որոշ ժամանակ անց հանդարտվեց, ոստիկանները բերման չենթարկեցին այդ քաղաքացուն:

    Կարճ ժամանակ անց արդեն ոստիկանները սկսեցին բերման ենթարկել ավտոերթերի մասնակիցներին։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Փոխկապակցված նորություններ