Իսրայելի բանակը հայտարարել է Գազայի հատվածում ցամաքային գործողությունները վերսկսելու մասին
Ստամբուլի ձերբակալված ընդդիմադիր քաղաքապետն ուղերձ է հղել
18-ամյա տղան փորձել է կամրջից իրեն գետը նետել, 15-ամյա տղան փրկել է նրան՝ բռնելով ոտքից
Հայտնի է, թե Ինչ որոշում է կայացրել դատարանը Վարդան Ղուկասյանի գործով
«Խաղաղության պայմանագիրը» դարձել է «խաղաղության համաձայնագիր» նորից Ադրբեջանի պահանջով․ Վարուժան Գեղամյան
Ոստիկանների կողմից խոշտшնգվшծ արցախցի երիտասարդն այժմ ՔԿ-ում է. քաղաքացիները բացել են ճանապարհը
Կապանում ընտանիքի 6 անդամները թունավորվել են շմոլ գազից
«Կփորձենք լավ հանդես գալ»․ Հայաստանի ֆուտբոլի հավաքականի նոր գլխավոր մարզիչը՝ Վրաստանի հավաքականի հետ խաղի մասին
Ադրբեջանը շարունակում է ապատեղեկատվություն տարածել․ ՀՀ ՊՆ
Հայաստանը պատրաստ է համաձայնեցված տեքստով պայմանագրի ստորագրմանը. Միրզոյան

Իրանը կտրականապես դեմ է միջազգային սահմանների փոփոխությանը և ուժի կիրառմանը տարածաշրջանային խնդիրների լուծման համար. դեսպան Սոբհանի

16:16 6 Փետրվար 2025

ԻԻՀ-ն Հայաստանին և ժողովրդին համարում է իր բարեկամը: Իրանը վերջին տասնամյակների ընթացքում մշտապես աջակցել է Հայաստանի աճին և հզորացմանը, երկու երկրների հարաբերությունները աստիճանաբար հասել են հասունության և խորության անհրաժեշտ մակարդակի այնպես, որ այսօր մեր երկկողմ հարաբերություններում առկա է փոխադարձ ըմբռնում, իսկ փոխհարաբերությունների տնկին վերածվել է հաստաբուն ծառի: Այդ մասին ասուլիսի ժամանակ ասաց ՀՀ-ում Իրանի դեսպան Մեհդի Սոբհանին:

«ԻԻՀ-ն իր հիմնական հանձնառությունն է համարում տարածաշրջանում հարատև խաղաղության և կայունության հաստատումը: ԻԻՀ-ն կտրականապես դեմ է միջազգային սահմանների փոփոխությանը, աշխարհաքաղաքական փոփոխություններին և ուժի կիրառմանը տարածաշրջանային խնդիրների լուծման համար, և վճռականորեն աջակցում է երկրների՝ հատկապես Հայաստանի տարածքային ամբողջականությանը: Կեղծ նարատիվների, սպառնալիքների և կասկածների տեսանյութերի ստեղծումը չի կարող խաթարել երկու երկրների միջև առկա ամուր հարաբերությունները կամ պառակտում ու կասկածներ նետել մեր միջև»,- ասաց նա:

Անցած տարվա ընթացքում, ըստ Իրանի դեսպանի, հիանալի արդյունքներ են արձանագրվել երկու երկրների միջև, մեկնարկել է Հայաստան-Քաջարան ճանապարհի շինարարությունը, երրորդ էլեկտրահաղորդման գծի աշխատանքներն ավարտական փուլում են, դիվանագիտական փոխայցերը, փոխըմբռնումն ու փոխադարձ ընկալումը թույլ չեն տվել, որ «հարաբերությունների թշնամին կասկածներ, թյուրըմբռնումներ ստեղծի»:

«Մենք շարունակում ենք առաջնորդվել այդ ճիշտ ճանապարհով: Երկու երկրների հարաբերությունների ապագան շատ պարզ է և ոչ ոք չի կարող դա շեղել»,- ասաց նա և հայերենով հավելեց. «Կեցցե՛ Հայաստանը, կեցցե՛ Իրանը»:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Իրանը կտրականապես դեմ է միջազգային սահմանների փոփոխությանը և ուժի կիրառմանը տարածաշրջանային խնդիրների լուծման համար. դեսպան Սոբհանի

Լրահոս

Փոխկապակցված նորություններ

Տնտեսություն

Հասարակություն