19:27:45 20°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Մեր նորագույն պատմության ամենաբարդ շրջափուլում ենք․ Արմեն Սարգսյան

    12:10 21 Սեպտեմբեր 2022

    ՀՀ նախկին նախագահ Արմեն Սարգսյանը շնորհավորական ուղերձ է հղել Անկախության 31-րդ տարեդարձի առթիվ:

    Ուղերձում ասվում է. «Սեպտեմբերի 21-ը պատմական ազգային ձեռքբերում է, քանի որ արդեն 31 տարի է, ինչ Հայաստանը հաստատել է իր անկախությունը:

    Ես շնորհավորում եմ մեր երկրի բոլոր քաղաքացիներին Անկախության տոնի առթիվ:

    Պատմական է մեզ համար այդ անկախությունը, քանի որ ունեցանք փայլուն հաղթանակներ եւ ձեռքբերումներ, ազատագրեցինք 12 հազար քառակուսի կիլոմետր տարածք Արցախում և ստեղծեցինք պետություն. ունեցանք անկախ Հայաստան:

    Այս 31 տարիների ընթացքում անցանք բազմաթիվ եւ աննախադեպ դժվարությունների եւ զրկանքների միջով՝ կարողանալով արժանի պատասխան տալ մեր թշնամիներին:

    Անկախության գինը թանկ է, որը մենք պետք է պահպանենք ամեն գնով և ժառանգենք մեր սերունդերին:  Չդադարող պատերազմները ևս դրա վկայությունն են. հերոսաբար անմահացած հայորդիների գործը մենք կիսատ թողնել չենք կարող:

    Մենք պետք է չհուսահատվենք եւ անձնատուր չլինենք թշնամուն:

    Մեզ պետք է ազգային իշխանություն, կազմակերպված պետություն, համերաշխ եւ միասնական ժողովուրդ, հստակ ազգային գախափար եւ հեռանկար, եթե ուզում ենք ունենալ Ազատ Արցախ, ինքնիշխան Հայաստան եւ արժանապատիվ կյանք:

    Այսօր լրանում է Հայաստանի Հանրապետության անկախության հռչակման 31-ամյակը:

    31 տարի առաջ մեր ժողովուրդը միահամուռ վճռականությամբ կատարեց իր ընտրությունը՝ իրականություն դարձնելով անկախություն ունենալու դարերի երազանքը:

    Այսօր՝ անկախության ձեռքբերումից  31 տարի անց, մեր նորագույն պատմության ամենաբարդ շրջափուլում ենք, և բացառապես մեզնից է կախված՝  կարո՞ղ ենք այն հաղթահարել, և ի՞նչ հիմքի վրա ենք կառուցելու մեր Ապագան...

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Փոխկապակցված նորություններ