Կոլումբիան հայտարարել է, որ չի փակի իր սահմանը Վենեսուելայի հետ

22:10 8 Հունվար 2025

Կոլումբիայի կառավարությունը մտադիր չէ խզել դիվանագիտական հարաբերությունները Վենեսուելայի հետ կամ փակել երկրների միջեւ սահմանը։ Այս մասին հայտարարել է երկրի նախագահ Գուստավո Պետրոն։

«Կոլումբիական կառավարությունը հասկանում է, որ մեր երկու ժողովուրդները կապված են արյունով, մշակույթով և պատմությամբ, և որ սահմանների փակումը, դիվանագիտական հարաբերություններից խուսափելը և մեր ժողովուրդների բռնի բաժանումը մեծ դաժանություն է: Կոլումբիան չի խզի դիվանագիտական հարաբերությունները Վենեսուելայի հետ և առանց հրավերի չի միջամտի երկրի ներքին գործերին»,- գրել է նա X-ում։

Պետրոյի կարծիքով՝ երկու երկրների իշխանությունների միջև համագործակցության բացակայությունը կարող է հանգեցնել սահմանների անցմանը մաֆիայի վերահսկողությանը և «միլիոնավոր կոլումբիացիների և վենեսուելացիների սովին, ինչպես նաև զանգվածային արտագաղթին և մարդու իրավունքների համակարգված խախտումներին»:

Միաժամանակ, պետության ղեկավարը հայտնել է, որ անձամբ չի գնա Վենեսուելայի նախագահ Նիկոլաս Մադուրոյի երդմնակալության արարողությանը, որը տեղի կունենա հունվարի 10-ին, և չի ճանաչի հուլիսին Բոլիվարյան Հանրապետությունում կայացած ընտրությունների արդյունքները։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Կոլումբիան հայտարարել է, որ չի փակի իր սահմանը Վենեսուելայի հետ

Լրահոս

Փոխկապակցված նորություններ

Տնտեսություն

Հասարակություն