ՔՊ անունով «պազիկներ» չկան, ի՞նչն է խանգարում ուսանողներին հեծանվով գալ դասի. Փաշինյանը՝ վարկով վերցված հեծանիվի տոկոսը զրոյացնելու մասին

13:36 27 Մարտ 2025

«Այն ուսանողներին և դասախոսներին, ովքեր դիտարկում են հեծանիվն օգտագործել որպես տրանսպորտային միջոց, կառավարությունը պատրաստ է աջակցել այդ նպատակով վարկի տոկոսի սուբսիդավորման ձևով»,- կառավարության նիստում ասաց վարչապետ Նիկոլ Փաշինյանը՝ նշելով, որ հեծանիվ ձեռք բերելու դեպքում տարեկան 16 տոկոս դրույքաչափը պետության կողմից զրոյացվում է:

Ըստ նրա, որոշումը տրանսպորտային ծանրաբեռնվածության խնդիր էլ կարող է լուծել.«Շատ են խոսում՝ քաղաքային իշխանություններն ինչի՞ հեծանիվային ուղիներ չեն ստեղծում, բայց նաև պետք է հասկանալ, եթե դրա ռեալ պահանջարկը չկա... քաղաքային իշխանությունը պետք է տեսնի, որ այնքան հեծանիվ կա, որ արդեն պրոբլեմ է: Հիմա խնդիրն այն է, որ հեծանիվները մեքենաներին խանգարում են, բայց մեքենաները հեծանիվներին չեն խանգարում, որովհետև այնքան քիչ են , որ տենց հարաբերություն չկա»,- նշեց նա:

«Այսօր ՀՀ ոչ մի բնակավայրից «Քաղաքացիական պայմանագիր» անունով «պազիկներ» դուրս չեն գալիս ուսանողներին բերելու և տանելու համար , որը շատ տարօրինակ ինսիտուտ է: Գնում ենք Երևանից 10 կմ հեռավորությամբ գտնվող գյուղ, մարդիկ ասում են՝ ուսանողական ձրի ավտոբուս լինի, ժողովուրդ ջան, ուսանողին ի՞նչն է խանգարում նստել հեծանիվ, գալ դասի, ես անձամբ Երևանի բոլոր «անմատչելի» տարածքներն անցել եմ:

«Ջիպերի», «Ռենջ-Ռովերների» քաղաքականության գերիշխանության տրամաբանությունը պետք է փոխել քաղաքացիական գերիշխանության տրամաբանությամբ»,- ասաց վարչապետը:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

ՔՊ անունով «պազիկներ» չկան, ի՞նչն է խանգարում ուսանողներին հեծանվով գալ դասի. Փաշինյանը՝ վարկով վերցված հեծանիվի տոկոսը զրոյացնելու մասին

Լրահոս

Փոխկապակցված նորություններ

Տնտեսություն

Հասարակություն