Հինգ գիշեր է` սարսափի մեջ ենք. Սյունիքի Խոզնավար ու Խնածախ գյուղերի բնակիչները հաստատում են, որ կրшկnցներ կան
Հրշեջ-փրկարարները մարել են խորդանոցում բռնկված հրդեհը
Երևանում բախվել են «Mercedes»-ն ու էլեկտրական ինքնագլորը․ վերջինը վարած անչափահասը տեղափոխվել է հիվանդանոց
«Հայ ժողովուրդը գտել է իր Ավետյաց երկիրը»․ վարչապետ
Հունգարիան հայտարարել է, որ ԵՄ-ում կոնսենսուս չկա Ուկրաինայի անվտանգության երաշխիքների վերաբերյալ
Նորամարգ գյուղում այրվել է խոտածածկույթ
Թուրքիայում Էրդողանին և նրա ընտանիքին վիրավորելու համար 41 ցուցարար է ձերբակալվել
Արագածոտնի մարզում բախվել են շտապօգնության ավտոմեքենան և «ՎԱԶ 2107»-ը. կա 4 վիրшվոր
Փաշինյանը Ռուբիոյին ներկայացրել է Ադրբեջանի հետ խաղաղության պայմանագրի նախագծի համաձայնեցման վերաբերյալ մանրամասները
Տեղի է ունեցել ՀՀ ԶՈՒ սերժանտական նորաստեղծ համակարգի զինծառայողների երդման հանդիսավոր արարողությունը. ՊՆ

Նիդերլանդներն ու Հայաստանը ֆուտբոլային առումով մոտ երկրներ են. Էդգար Մանուչարյանը` ազգային թիմի նոր մարզչի մասին

16:25 18 Փետրվար 2025

Հայաստանի ֆուտբոլի ազգային թիմի և հոլանդական «Այաքս»-ի նախկին ֆուտբոլիստ Էդգար Մանուչարյանի կարծիքով հավաքականի նոր գլխավոր մարզիչ հոլանդացի Ջոն վան’տ Սխիպին ժամանակ է պետք` հայկական ֆուտբոլին հարմարվելու համար:

«Անձնապես Ջոն վան’տ Սխիպին չեմ ճանաչում: Երբ ես էի «Այաքս»-ում, Սխիպը Մարկո վան Բաստենի օգնականն էր Նիդերլանդների հավաքականում: Կարծում եմ Ջոն վան’տ Սխիպը փորձառու մասնագետ է, բայց ամեն ինչ ցույց կտա ժամանակը»,-«Արմենպրես»-ի հետ զրույցում ասել է Էդգար Մանուչարյանը:

Վերջինս առանձնացրել է, որ ինքն ավելի լավ ճանաչում է Հայաստանի ֆուտբոլի ազգային թիմում Սխիպի օգնական Արոն Վինտերին, ում հետ աշխատել է «Այաքս»-ի երկրորդ թիմում։

«Ջոն վան’տ Սխիպը երկար տարիների մարզչական փորձ ունի և հուսով եմ, որ իր մոտ ամեն ինչ հաջող կստացվի Հայաստանի ֆուտբոլի ազգային թիմում: Հայաստանի և Նիդերլանդների տարբերությունները շատ են, մտածելակերպն է տարբեր: Սակայն Նիդերլանդներն ու Հայաստանը ֆուտբոլային առումով մոտ երկրներ են: Մենք էլ տեխնիկապես բարձր պատրաստվածություն ունեցող ֆուտբոլիստներ ունենք: Կարծում եմ Սխիպին ժամանակ է պետք»,-ասել է Մանուչարյանը:

Նիդերլանդացի մարզիչ 61-ամյա Ջոն վան’տ Սխիպը կգլխավորի Հայաստանի ազգային հավաքականը: Նրա օգնականի պարտականությունները կկատարի Նիդերլանդների հավաքականի նախկին ֆուտբոլիստ Արոն Վինտերը:

Որպես ֆուտբոլիստ՝ Նիդերլանդների հավաքականի կազմում դարձել է Եվրոպայի 1988 թ. չեմպիոն, «Այաքս»-ի կազմում 4 անգամ (1981-1982, 1982-1983, 1984-1985, 1989-1990) նվաճել է Նիդերլանդների չեմպիոնի տիտղոսը, ևս 3 անգամ՝ Նիդերլանդների գավաթը (1982-1983, 1985-1986, 1986-1987), ՈՒԵՖԱ-ի Գավաթակիրների Գավաթի (1986-1987) և ՈՒԵՖԱ-ի գավաթի (1991-1992) հաղթող է:

Որպես մարզիչ՝ գլխավորել է «Այաքս»-ը և Հունաստանի հավաքականը, եղել է Նիդերլանդների ազգային հավաքականի գլխավոր մարզիչ Մարկո Վան Բաստենի օգնականը: Ավստրալական «Մելբուռն Սիթի»-ն նրա գլխավորությամբ 2016 թ. նվաճել է Ավստրալիայի գավաթը:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Նիդերլանդներն ու Հայաստանը ֆուտբոլային առումով մոտ երկրներ են. Էդգար Մանուչարյանը` ազգային թիմի նոր մարզչի մասին

Լրահոս

Փոխկապակցված նորություններ

Միջազգային լուրեր

Տնտեսություն