Թաիլանդի խորհրդարանը սկսել է կառավարությանն անվստահություն հայտնելու մասին քննարկումները

10:49 24 Մարտ 2025

Թաիլանդի Ազգային ժողովի (Խորհրդարանի) Ներկայացուցիչների պալատը սկսել է վարչապետ Ֆեթոնգ Թան Շինավատայի կառավարությանն անվստահություն հայտնելու վերաբերյալ քննարկումները: Այս մասին հայտնում է Thai PBS-ը։

Ընդդիմադիր Ժողովրդական կուսակցության նախաձեռնած խորհրդարանական քննարկումները տեղի կունենան երկու օրվա ընթացքում։ Ընդդիմությունը կփորձի վիճարկել ներկայիս վարչապետի առաջնորդական որակները, ինչպես նաև կհայտնի իր տեսակետը կառավարության վրա նրա հոր՝ Թաիլանդի նախկին վարչապետ (2001-2006 թթ.) Թաքսին Չինավատայի ենթադրյալ ազդեցության մասին։ Քվեարկությունը նախատեսված է մարտի 26-ին։

Վարչապետ Թիրայու Հուանգսապը բանավեճից առաջ վստահություն է հայտնել Շինավատայի ղեկավարությանը։ Նա կոչ է արել ընդդիմադիր պատգամավորներին ներգրավվել կառուցողական և հարգալից բանավեճի մեջ՝ առաջարկելով ազգային զարգացմանը նպաստող գաղափարներ:

«Վստահ եմ, որ վարչապետը կկարողանա պատասխանել ընդդիմության բոլոր հարցերին, որոնք բարձրացրել է անվստահություն հայտնելու մասին բանավեճը, նա նոր սերնդի ընդունակ առաջնորդ է»,- ասել է խորհրդականը։

Տեղական դիտորդները նշում են, որ անվստահության քվեն հազիվ թե ընդունվի 500 տեղանոց Ներկայացուցիչների պալատի կողմից, քանի որ Phua Thai կուսակցության գլխավորած իշխող կոալիցիան մեծամասնություն ունի՝ վերահսկելով խորհրդարանական 322 մանդատ։ Միևնույն ժամանակ, Ժողովրդական կուսակցությունը պետք է ցուցադրի իշխանություններին պատասխանատվության ենթարկելու իր կարողությունը:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Թաիլանդի խորհրդարանը սկսել է կառավարությանն անվստահություն հայտնելու մասին քննարկումները

Լրահոս

Փոխկապակցված նորություններ

Տնտեսություն

Հասարակություն