«Պետք չէր դատախազին վերևում նստացնել. տպավորություն էր, թե սովետական դատավարություն է». Ալեն Սիմոնյան

14:32 4 Նոյեմբեր 2024

Պետք չէր դատախազին վերևում նստացնել, որովհետև ինձ մոտ տպավորություն էր, թե սովետական դատավարություն է. ներքևում ամբաստանյալներն են, իսկ վերևում դատախազն ու դատավորը։ Այս մասին այսօր լրագրողների հետ ճեպազրույցում ասաց ԱԺ նախագահ Ալեն Սիմոնյանը՝ խոսելով վերջերս ԱԺ–ում տեղի ունեցած լսումների ժամանակ Քննչական կոմիտեի նախագահ Արգիշտի Քյարամյանի և ՔՊ–ական պատգամավոր Հովիկ Աղազարյանի միջև տեղի ունեցած միջադեպի, ու դրանում Անդրանիկ Քոչարյանի դերակատարության մասին։

«Ես չեմ կարծում, որ Աննա Վարդապետյանին որպես կին էին այնտեղ նստացրել։ Նա ՀՀ դատախազն է, ոչ թե կին։ Հիմա ես տենց բան ասեի, ինձ հնարավոր բոլոր պիտակները կկպցնեիք»,–հավելեց Ալեն Սիմոնյանը։

Խոսելով այն մասին, թե ինչ կարող էր անել այդ պարագայում Անդրանիկ Քոչարյանը, ԱԺ նախագահն ասաց.

«Ես կարծում եմ, որ իմ փորձառությունը՝ թե՛ կոնֆլիկտներ հրահրելու, թե՛ հարթելու գործում շատ ավելի մեծ է, և կարծում եմ, որ այդ իրավիճակում ավելի ճիշտ կվարվեի։ Բայց դա չի նշանակում, որ ես որևէ մեկին քննադատում եմ։ Պարոն Քոչարյանը մեծ փորձ ունեցող քաղաքական գործիչ է, և չի կարելի իմ ասածը դիտարկել որպես քննադատություն նրա անձի վերաբերյալ։ Ես ընդհանուր երևույթի, ներկաների պահվածքի վերաբերյալ վերապահումներ ունեմ։ Պետք չէր բերել, հասցնել այդ իրավիճակին»։

Պատասխանելով լրագրողի հարցին, թե արդյո՞ք համապատասխանում են իրականությանն այն խոսակցությունները, որ ՔՊ վարչության հերթական նիստին քննարկվելու է ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանին պաշտոնանկ անելու հարցը, Ալեն Սիմոնյանն ասաց.

«Վարչությունը որևէ դեպքում չի քննարկում մեկին պաշտոնանկ անելու կամ հեռացնելու հարցը. մենք քննարկում ենք առկա տեղեկությունները, և դրանց հիմա վրա որոշում ենք կայացնում»։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

«Պետք չէր դատախազին վերևում նստացնել. տպավորություն էր, թե սովետական դատավարություն է». Ալեն Սիմոնյան

Լրահոս

Փոխկապակցված նորություններ

Քաղաքականություն

Աշխարհ